Suter es ün mez d’expressiun elementer da l’umaun daspö ans ed annorums. Il ballet classic in sia fuorma dad hoz deriva dal ballet pompus “de cour“ a la cuort dal rag sulagl Louis XIV e s’ho sviluppo cul ir dals ans ad ün’art independenta e s’ho deraso sün tuot il muond, ün’art chi ho surgnieu nouvs impuls al cumanzamaint dal 20 tschientiner da Diaghilev e Strawinskij. Per motivs istorics es resto il frances la lingua dal ballet fin al di d’hoz ( ils terms pels pass e da las figüras).
Il sot collia in möd ideel spiert, emoziun e maestraunza dal corp. El promouva bgeras qualiteds giavüschablas scu tenuta dal corp grazchusa, flexibla ed eleganta, coordinaziun dal corp e dals sens, realisaziun dal cuntgnieu e la fuorma musicala in muvimaint. Eir da pudair s’exprimer cumünaivelmaing es ün’experienza fich preciusa.
L’instrucziun ho lö in gruppas dad almain 4 partecipantas e partecipants. Scha’d es avauntmaun la prontezza e la diligenza as ho la pussibilted dad artschaiver il tschertificat per ballet classic da la Royal Academy of Danzing, London. L’instrucziun per pudair fer quel tschertificat düra almain 2 x 60 minuts a l’eivna.